Yenə Ronaldo…
FİFA İspaniyanın “Real” (Madrid) klubunun və Portuqaliya milli komandasının hücumçusu Kriştiano Ronaldonu dünyanın ən yaxşı futbolçusu seçib.
2016-2017-ci il mövsümündə Kriştiano Ronaldo “Real”ın heyətində İspaniya çempionatının, klublar arasında dünya çempionatının, UEFA Çempionlar Liqasının, UEFA superkubokunun və İspaniya superkubokunun qalibi olub.
Novator.az bildirir ki, 1985-ci il təvəllüdlü Kriştiano Ronaldo 2008-ci ildə “France Football” (Fransa) jurnalının “Qızıl top” mükafatını alıb. 2010-cu ildən həmin mükafat FİFA ilə birlikdə verilib, Kriştiano Ronaldo 2013 və 2014-cü illərdə dünyanın ən yaxşı futbolçusu adına sahib çıxıb. 2016-cı ildə o, yenidən “France Football” jurnalının təkbaşına verdiyi “Qızıl top” mükafatının laureatı olub.
