Bu ilin 8 ayında (yanvar-sentyabr) vətəndaşların vəsaiti hesabına 8500 fərdi yaşayış evi istifadəyə verilib. Həmin evlərin ümumi sahəsi 1 milyon 228 min kvadratmetrdən çox edir.

Novator.az Dövlət Statistika Komitəsinə istinadla bildirir ki, fərdi yaşayış evlərinin 448 min kvadratmetrə yaxını və ya 36 faizindən çoxu kənd yerlərində tikilib.

Evlərin 50 faizə qədəri Naxçıvan Muxtar Respublikasında, Bakı, Lənkəran və Şəki şəhərlərində, Abşeron, Qazax, Tovuz, Şəmkir, Cəlilabad və Qəbələ rayonlarında inşa edilib.

Yeni tikilən evlərin orta ümumi sahəsi 144 kvadratmetrə yaxın olub.

Bu ilin 8 ayında vətəndaşların vəsaiti hesabına istifadəyə verilən yaşayış evlərinin sahəsi ölkə üzrə istifadəyə verilən evlərin ümumi sahəsinin 97,3 faizini təşkil edib.