Yaponiyada oktyabrın 22-də keçirilmiş növbədənkənar parlament seçkisi hakim koalisiyanın qələbəsi ilə başa çatıb. Novator.az bildirir ki, ilkin nəticələrə görə, baş nazir Sindzo Abenin liderlik etdiyi Liberal Demokrat Partiyası 465 yerlik aşağı palatada 283 yerə sahib çıxıb. Hakim koalisiyaya daxil olan Komeyto Partiyası isə 29 mandat alıb.

Sindzo Abe parlamentin aşağı palatasını sentyabrın 28-də buraxmış, bu addımı qonşu Şimali Koreyadan gələn nüvə silahı hədələri fonunda hökuməti möhkəmləndirmək, ölkənin təhlükəsizliyi naminə konstitusiyanı dəyişdirməyə imkan qazanmaq zərurəti ilə əsaslandırmışdı.

Növbədənkənar seçkiyə 8 partiyadan 1180 namizədin qatıldığı xəbər verilir.