Meriyadan Müsavata rədd cavabı və təklif gəldi
Bakı Şəhər İcra Hakimiyyəti Müsavat Partiyasının oktyabrın 21-nə təyin etdiyi yürüşə razılıq verməyib. Partiyaya cavab məktubunda meriya həmin tarixdə Yasamal rayonundakı İdman-Sağlamlıq Kompleksinin stadionunda mitinq keçirməyi təklif edib.
Partiya meriyaya yürüşün marşrutu kimi iki variant təklif etmişdi: metronun “Azadlıq prospekti” stansiyasının çıxışından “Dərnəgül” stansiyasının qarşısındakı meydanadək və ya 20 saylı məktəbin yaxınlığındakı meydandan Hüseyn Cavid bağındakı meydanadək.
Yürüşün “Qarabağa azadlıq!”, “Siyasi məhbuslara azadlıq!”, “Xalqdan oğurlanan milyardlar geri qaytarılsın!”, “Sərbəst toplaşmaq azadlığı təmin edilsin!” və digər şüarlarla keçirilməsi nəzərdə tutulurdu.
