Qarabağ separatçılarının sponsoru öldü
Rusiyada yaşayan erməni biznesmen Levon Ayrapetyan vəfat edib.
Levon Ayrapetyan 1949-cu ildə Azərbaycanın Dağlıq Qarabağ bölgəsində, Vəng kəndində doğulub. Əvvəllər jurnalist fəaliyyəti ilə məşğul olub, “Komsomolskaya pravda” və “Sobesednik” qəzetlərində işləyib, “Sovremennik” nəşriyyatının təsisçilərindən olub, sonradan biznes sahəsinə keçib.
O, Dağlıq Qarabağda separatçı rejimin maliyyələşməsində ən fəal şəxslərdən biri idi.
Novator.az-ın məlumatına görə, biznesmen oktyabrın 18-i Moskvada dünyasını dəyişib.
2014-cü ildə Levon Ayrapetyan 700 min ABŞ dollarını dələduzluqla mənimsəmək ittihamı ilə Moskvada tutulmuş, sonradan sərbəst buraxılmışdı. 2016-cı il aprelin 14-də məhkəmə biznesmenə 4 il azadlıqdan məhrumetmə cəzası kəsmişdi.
