Evi kim dolandırmalıdır? (Sorğunun nəticələri)
Rusiyalıların çoxu hesab edir ki, ailənin maddi təminat öhdəliyi kişinin üzərinə düşür. Novator.az-ın məlumatına görə, Ümumrusiya İctimai Rəyi Öyrənmə Mərkəzinin keçirdiyi sorğu bunu göstərir.
Sorğunun nəticələrinə əsasən, respondentlərin 54%-i ailənin maddi təminatına görə kişinin məsuliyyət daşıdığını düşünür.
Rəyi öyrənilənlərin yalnız 1%-i ailəni maddi cəhətdən qadının təmin etməli olduğunu bildirib.
Sorğuya cəlb olunanların 43%-i hesab edir ki, qadın da, kişi də ailəyə gəlir gətirməlidir.
Rusiyalı respondentlərin 75%-i ev işlərində ər-arvadın hər ikisinin məsuliyyət daşıdığını qeyd edir.
Sorğuya qatılanların 84%-i hesab edir ki, uşaqların tərbiyəsi ilə həm kişi, həm də qadın məşğul olmalıdır.
Oktyabrın 1-dən 3-nə qədər keçirilmiş sorğuda 1800 yetkin rusiyalı iştirak edib.
Səidə Hüseynova
