Əmək və Əhalinin Sosial Müdafiəsi Nazirliyi yeni hesabat yayıb. Qeyd olunur ki, bu ilin yanvar-sentyabr aylarında “Elektron hökumət” portalındakı (www.e-gov.az) xidmətlərə ümumilikdə 17 milyon 555 min 749 müraciət qeydə alınıb, həmin müraciətlərin 40 faizə yaxını əmək və sosial müdafiə sahəsi üzrə xidmətlərə yönəlib.

Hesabat dövründə portalda e-xidmətlərinə ən çox müraciət edilən qurum Əmək və Əhalinin Sosial Müdafiəsi Nazirliyi olub: 7006756 müraciət.

“E-hökumət” vasitəsilə ümumilikdə 43 qurumun 434 elektron xidməti əhalinin istifadəsindədir. Onlardan 6,5 faizi Əmək və Əhalinin Sosial Müdafiəsi Nazirliyinə aid e-xidmətlərdir.

Ötən ay nazirliyin e-xidmətlərinə keçən ilin sentyabr ayı ilə müqayisədə 20,7 faiz çox, 520205 müraciət qeydə alınıb.