Daşkəsəndə güzəştli kreditlər verildi
İqtisadiyyat Nazirliyinin Sahibkarlığa Kömək Milli Fondu oktyabrın 13-ü Daşkəsəndə işgüzar forum keçirib. Rəsmi məlumata görə, forum çərçivəsində Daşkəsən və ətraf rayonlarda fəaliyyət göstərən sahibkarlıq subyektlərinə 423 min manat güzəştli kredit verilib. Kreditlərin heyvandarlıq, üzümçülük, tərəvəzçilik və sair sahələrin inkişafına yönəldiləcəyi, layihələrin reallaşdırılması nəticəsində 40-dək yeni iş yerinin açılmasının mümkün olacağı bildirilir.
Forumda bəyan olunub ki, bu il 1326 sahibkarlıq subyektinin investisiya layihəsinin maliyyələşdirilməsinə 97 milyon manatadək güzəştli kredit ayrılıb.
