Vəkillər Kollegiyasının rəhbəri postdan getdi
Vəkillər Kollegiyasının Rəyasət Heyətinin sədri Azər Tağıyev vəzifədən azad olunub. Report.az bildirir ki, qərar sentyabrın 27-si Rəyasət Heyətinin iclasında Azər Tağıyevin müraciəti əsasında çıxarılıb. Müraciətində Azər Tağıyev səhhəti ilə bağlı sədrlikdən getmək istədiyini bildirib.
Sədr səlahiyyətləri sədr müavini Fərhad Nəcəfova keçib. Dekabr ayında Vəkillər Kollegiyasının konfransında yeni Rəyasət Heyəti və sədr seçiləcək.
Azər Tağıyevin 69 yaşı var. Hazırda Mərkəzi Seçki Komissiyasında bitərəf deputatları təmsil edir.
