Kişilərin ömrü uzanır
Rusiyada kişilərlə qadınların orta ömür uzunluğu arasında fərq azalıb. Novator.az-ın məlumatına görə, bunu Rusiyanın səhiyyə naziri Veronika Skvortsova deyib.
Nazir bildirib ki, buna səbəb kişilərin ömrünün get-gedə uzanmasıdır. Beş il qabaq kişilərlə qadınların orta ömür uzunluğu arasında fərq 13 il idi, yəni kişlər qadınlardan 13 il az yaşayırdı. İndi fərq 10 ildir.
Hazırda Rusiyada orta ömür həddi kişilərdə 67,5 yaş, qadınlarda 77,4 yaşdır.
Veronika Skvortsova qeyd edib ki, ilk dəfədir Rusiyada belə hal qeydə alınır.
Onun sözlərinə görə, təkcə elə bu ilin 7 ayı ərzində kişilərin orta ömrü 1 il uzanıb.
Son 8 ayda ötən ilin eyni dövrü ilə müqayisədə ölkədə ölüm göstəricisi 2,5 faiz düşüb.
Səidə Hüseynova
