Dağıstanın başçısı: “İstefamın səbəbi budur”
Rusiya Federasiyasının Dağıstan Respublikasının başçısı Ramazan Abdulatipov sentyabrın 27-də istefa verəcəyini açıqlayıb.
Novator.az-ın məlumatına görə, “Qovorit Moskva” radiosuna müsahibəsində Ramazan Abdulatipov istefa niyyətini yaşının artması ilə bağlayıb: “Artıq 71 yaşım var. İstefamın səbəbi də budur. Mənim fikrimcə, bütün başqa məsələlər yerindədir – respublika ağır böhrandan çıxarılıb, yüksəlişdədir”.
Ramazan Abdulatipov öz yerinə bir neçə namizəd təklif etdiyini deyib, qərarı prezidentin verəcəyini vurğulayıb.
Ramazan Abdulatipov Dağıstana 2013-cü ildən rəhbərlik edir.
Bu həftə Rusiyada Nijeqorod, Samara vilayətlərinin qubernatorları istefaya göndərilib. Sentyabrın 27-də Krasnodar diyarının başçısı da istefa verib.
