“Ərzaq Məhsullarının Tədarükü və Təchizatı” Açıq Səhmdar Cəmiyyəti 2018-ci il üçün satın alan təşkilatların ərzaq məhsullarına olan tələbatının həcmini müəyyən edib. ASC-nin mətbuat xidmətinin məlumatına əsasən, qurum satın alan təşkilatları (uşaq bağçaları, xüsusi təmayüllü təhsil müəssisələri, xəstəxanalar, hərbi hissələr və s.) 163 adda ərzaq məhsulları ilə təmin edir.

ASC yerli istehsalçılara və satıcılara müraciətində Tedaruk.az portalında orta bazar qiymətinə satın alınması nəzərdə tutulan ərzaq məhsullarının təklif edilməsinə çağırır. Satın alınması nəzərdə tutulan ərzaq məhsulları barədə elanlar portalda yerləşdirilib. Hər bir istehsalçı və ya satıcı Tedaruk.az-a daxil olaraq istənilən ərzaq məhsuluna tələbatın həcmi və qiyməti haqda məlumat əldə edə bilər.