İran yeni ballistik raketini üzə çıxardı
Sentyabrın 22-si İranın paytaxtı Tehranda hərbi parad keçirilib. Novator.az-ın məlumatına görə, paradda “Xürrəmşəhr” (“Khorramshahr”) adlı yeni ballistik raket təqdim olunub.
Raketin 2 min kilometr məsafəyə bir neçə döyüş başlığı daşımaq gücündə olduğu bildirilir.
İranın raket proqramı ABŞ-ın ciddi müqaviməti ilə üzləşir. Vaşinqton 18 hüquqi və fiziki şəxsə bununla bağlı sanksiya qoyub. İran parlamenti isə sanksiyaların cavabı olaraq raket proqramına 520 milyon dollar ayırıb.
