![]({"full":{"0":"2017\/09\/yurush-1.jpg","1":568,"2":360,"3":false,"file":"https:\/\/novator.az\/wp-content\/uploads\/2017\/09\/yurush-1.jpg"}})
150 dəqiqə ölümü necə uzaqlaşdırır
- 22 Sentyabr 2017
- comments
- Səidə Hüseynova
- Posted in AktualManşetXəbər
Ömrü uzatmaq, ürək-damar xəstəlikləri riskini azaltmaq üçün insan həftədə 150 dəqiqə fiziki aktivlik göstərməlidir. Novator.az-ın məlumatına görə, Kanadanın Makmaster Universitetinin apardığı tədqiqat belə göstərir.
Alimlərin “Lancet” tibb jurnalında çıxan məqaləsində bildirilir ki, sağlamlıq üçün trenajor zalına, üzgüçülük hovuzuna getmək və ya qaçmaq vacib deyil: işə piyada getmək və ya evdə yır-yığışla məşğul olmaq kifayətdir.
Alimlərin tədqiqatına 17 ölkədən 130 min adam cəlb olunub. İştirakçıların sosial və iqtisadi statusu, həyat tərzi, xəstəlik tarixi, hətta idmanla nə qədər məşğul olmaları nəzərə alınıb.
Yeddi illik müşahidələrdən sonra alimlər belə qənaətə gəliblər ki, həftədə 150 dəqiqə fiziki aktivlik ölüm riskini 28%, ürək xəstəlikləri ehtimalını isə 20% azaldır.
Fiziki fəallığın artırılması isə daha yaxşı nəticələr verib: həftədə 750 dəqiqə sürətlə yeriyən adamların vaxtsız ölüm riski 36% azalmış olur.
Səidə Hüseynova