15 ildə Gürcüstan əhalisi 15 faiz azalıb
Gürcüstan əhalisinin sayı son 15 ildə 15 faiz azalıb. Milli Statistika Xidməti belə hesabat yayıb.
AZƏRTAC-ın məlumatına görə, hazırda Gürcüstan əhalisi 3 milyon 718 min 200 nəfərdir. Bu, 2002-ci ilin eyni dövrü ilə müqayisədə 15 faiz azdır.
Ekspertlərin fikrincə, düşmə ölüm sayının artması, doğuşların azalması və əhalinin miqrasiyası ilə bağlıdır.
2017-ci ilin birinci yarısında ölüm halları doğuş faktından 1,6 faiz çox olub: 25,9 min ölüm, 25,5 min doğum faktı qeydə alınıb.
