Sentyabrın 14-də Bakıdakı Heydər Əliyev Mərkəzində Xəzər dənizinin Azərbaycan sektorunda Azəri, Çıraq yataqlarının və Günəşli yatağının dərinlikdə yerləşən hissəsinin birgə işlənməsi və neft hasilatının pay bölgüsü haqqında yeni sazişin imzalanması mərasimi keçirilib.

AZƏRTAC xəbər verir ki, prezident İlham Əliyev mərasimdə nitq söyləyib.

1994-cü il sentyabrın 20-də Azərbaycanın iri karbohidrogen şirkətləri ilə 30 il müddətinə imzaladığı, “Əsrin müqaviləsi” kimi tanınan sənəd əsasında 20 ildir Azəri, Çıraq, Günəşli yataqlarından neft və qaz hasil olunur. Yeni müqavilə hasilat müddətini 2050-ci ilə qədər uzadır.