Sahibkarlara yeni kreditlər
İqtisadiyyat Nazirliyinin Sahibkarlığa Kömək Milli Fondu sentyabrın 14-də Zaqatala rayonunda işgüzar forum keçirib. Rəsmi məlumata görə, tədbirdə Zaqatala və ətraf rayonlardan olan sahibkarlara 767 min manat güzəştli kredit verilib. Kreditlərin əsasən aqroparkın yaradılması, heyvandarlıq, tütünçülük, bağçılıq sahələrinin inkişafına yönəldiləcəyi bildirilir.
Forumda qeyd olunub ki, 2017-ci ildə 1100-dən çox sahibkar 74 milyon manat güzəştli kredit alıb, bununla 3 min 100-dən çox yeni iş yerinin açılmasına imkan yaranıb.
Şəki-Zaqatala iqtisadi rayonunda fəaliyyət göstərən sahibkarlıq subyektlərinə isə indiyədək 100,4 milyon manat güzəştli kredit ayrılıb.
