Bu il Azərbaycan neftinin qiyməti necə dəyişib?
Sentyabrın 14-də Azərbaycan nefti “AzəriLayt”ın bir barrelinin qiyməti 57,63 dollara qalxıb. Bu, ayın ən yuxarı qiymətidir. Novator.az bildirir ki, sentyabrın 5-də “AzəriLayt” 54,55 dollara satılıb. Sonrakı günlərdə qiymət əvvəl 55,66 dollara, ardınca 56,51 dollara yüksəlib.
Sentyabrın 8-də eniş qeydə alınıb: 56,36 dollar. Ancaq bir gün sonra Azərbaycan nefti bahalaşaraq 56,62 dollara təklif olunub.
Sentyabrın 12-də qiymət 55,86 dollara düşüb, ötən gün isə 56,90 dollar olub.
Novator.az 2017-ci ilin əvvəlki aylarının göstəricilərinə də nəzər yetirib.
Yanvarın əvvəlində “AzəriLayt” 55,97 dollara, fevralın əvvəlində 56,79 dollara, martın əvvəlində 56,68 dollara satılıb.
Aprel 53,62 dollarla, may 53,04 dollarla, iyun 51,01 dollarla, iyul 48,57 dollarla, avqust 53,60 dollarla start götürüb.
Azərbaycanın 2017-ci il büdcəsində neftin qiyməti 40 dollar hesablanıb.
