Xəbərlər yüklənir ...
UEFA Çempionlar Liqasının qrup mərhələsi start götürüb. C qrupunda Azərbaycanı təmsil edən Ağdamın “Qarabağ” komandası sentyabrın 12-si Londonda İngiltərənin “Çelsi” klubuna 0:6 hesabı ilə uduzub.
Novator.az bildirir ki, “Qarabağ” ilk dəfədir Çempionlar Liqasının qrup raundunda oynayır. “Çelsi” isə 2012-ci ildə Çempionlar Liqasının qalibi olub.
Klub 1971 və 1998-ci illərdə Kuboklar kubokunu əldə edib, onun aktivində UEFA superkuboku (1998) və Avropa Liqasında zəfər də (2013) var.
Qrupdakı digər matç İtaliya paytaxtında keçirilib. Yerli “Roma” ilə İspaniyanın “Atletiko” komandasının görüşündə qol vurulmayıb.
İki dövrədən ibarət qrup mərhələsindən növbəti raunda adlamaq üçün ən azı ikinci yeri tutmaq gərəkdir.
C qrupunda digər oyunların təqvimi:
27 sentyabr
“Atletiko “– “Çelsi”
“Qarabağ “– “Roma”
18 oktyabr
“Qarabağ “– “Atletiko”
“Çelsi” – “Roma”
31 oktyabr
“Atletiko” – “Qarabağ”
“Roma” – “Çelsi”
22 noyabr
“Qarabağ” – “Çelsi”
“Atletiko” – “Roma”
5 dekabr
“Çelsi “– “Atletiko”
“Roma” – “Qarabağ”.