Millətlər Liqası divizionlarının yeni tərkibi
Millətlər Liqası divizionlarının yeni ilkin tərkibi açıqlanıb. Tərkib UEFA-nın milli komandalar üçün son reytinq sıralamasına əsaslanır.
2018-ci ilin sentyabrından başlayacaq turnirdə 55 milli komanda A, B, C və D divizionlarına bölünəcək. Bölgü UEFA zonasında 2018-ci ilin dünya çempionatının seçmə mərhələsinin sonuna olan reytinq əsasında aparılacaq.
Hələlik ilkin heyət belədir:
A divizionu – Almaniya, Portuqaliya, Belçika, İspaniya, İsveçrə, Fransa, İngiltərə, İtaliya, Polşa, Xorvatiya, İslandiya, Uels;
B divizionu – Rusiya, Şimali İrlandiya, Slovakiya, İsveç, Hollandiya, Ukrayna, Bosniya, Avstriya, Türkiyə, İrlandiya, Danimarka, Macarıstan;
C divizionu – Sloveniya, Albaniya, Monteneqro, Serbiya, Şotlandiya, Çexiya, Rumıniya, Yunanıstan, Bolqarıstan, İsrail, Norveç, Kipr, Finlandiya, Estoniya, Azərbaycan;
D divizionu – Litva, Belarus, Gürcüstan, Ermənistan, Makedoniya, Farer adaları, Lüksemburq, Latviya, Moldova, Qazaxıstan, Lixtenşteyn, Andorra, Malta, Kosovo, San Marino, Cəbəllütariq.
Novator.az bildirir ki, hər divizion üzrə dörd qrup yaradılacaq və iki dövrədən ibarət turnir keçiriləcək. Millətlər Liqasının qalibi 2019-cu ilin iyununda A divizionundan dörd komandanın iştirak edəcəyi final turnirində müəyyənləşəcək.
Reqlamentə əsasən, komandalar bir diviziondan digərinə yüksəlir və düşür.
Turnir 2020-ci ilin Avropa futbol çempionatının final mərhələsinə hər diviziondan 1 komanda olmaqla 4 vəsiqə verir. Bunun üçün divizionlardakı qrup qalibləri arasında əlavə oyunlar təşkil olunacaq.
