Rusiyada nə qədər yoxsul var?
Özünü yoxsul sayan rusiyalıların sayı 2017-ci ilin ikinci rübündə azalıb. Rusiya Elmlər Akademiyasının Sosial Təhlil və Proqnozlaşdırma İnstitutunun sentyabrın 5-də yaydığı hesabatda belə deyilir.
Novator.az-ın məlumatına görə, hesabatda bildirilir ki, bu ilin ikinci rübündə ailəsinin maddi durumunun pis və ya çox pis olduğunu hesab edənlər 29%-ə düşüb. Bu, 2012-ci illə eyni göstəricidir.
Məlumata əsasən, 2015 və 2016-cı ilin eyni dövründə Rusiya əhalisinin 33%-i həyat səviyyəsinin aşağı olduğunu bildirib.
2000-ci ildən bəri ən nikbin göstərici 2014-cü ildə qeydə alınıb. Həmin dövrdə əhalinin 24%-i maddi durumunun aşağı olduğunu bəyan edib.
Hesabata əsasən, Rusiya əhalisi ümumilikdə 2017-ci ilin ikinci rübündə öz maddi vəziyyətini 2015 və 2016-cı illərin eyni dövrü ilə müqayisədə yaxşı, 2013 və 2014-ci illərə nisbətən isə pis sayır.
Səidə Hüseynova
