Özbəkistanın milli valyutası – som sentyabrın 5-də kəskin ucuzlaşıb. Mərkəzi Bankın qərarı ilə 1 dollar 4210,35 somdan 8100 soma qaldırılıb. Bu, 3889,65 somluq devalvasiya deməkdir.
Novator.az bildirir ki, som Azərbaycan manatına nəzərən də ucuzlaşıb. Ötən həftənin son iş günü 0,0407 manata təklif olunmuş 100 özbək somunu Azərbaycan Mərkəzi Bankı sentyabrın 5-də 0,021 manata satır.
Som 2001-ci ildən bəri ilk dəfədir kəskin devalvasiyaya uğrayır. AZƏRTAC-ın məlumatına görə, devalvasiya Özbəkistan prezidenti Şövkət Mirziyayevin sentyabrın 2-də imzaladığı valyuta siyasətinin liberallaşdırılması fərmanı fonunda baş verib.
