İqtisadiyyat Nazirliyinin Sahibkarlığa Kömək Milli Fondu avqustun 31-i Tərtərdə keçirdiyi işgüzar forumda sahibkarlara 492 min manatadək güzəştli kredit verib. Məlumata görə, bu kreditlər 40-dan çox yeni iş yerinin açılmasına imkan yaradır.

Forumda qeyd olunub ki, 2017-ci ildə 1000-dən çox sahibkarlıq subyekti 72 milyon manat güzəştli kredit alıb.

İndiyədək Tərtər rayonundan olan 264 sahibkara 5,1 milyon manat güzəştli kredit ayrıldığı bildirilir.

Fond sərhəd və cəbhə bölgəsində fəaliyyət göstərən 19 mindən çox sahibkara indiyədək 681 milyon manatadək güzəştli kredit verib.