Əmlak Məsələləri Dövlət Komitəsi avqustun 30-u Balakəndə və rayonun bir neçə kəndində “Kütləvi çıxarış” kampaniyası keçirib. 100-ə yaxın rayon sakininə birbaşa yaşadıqları ərazilərdə əmlaklarına dair çıxarışlar təqdim olunub. Mobil ofislərə müraciət edən 50-dən çox sakindən isə öz əmlaklarına dair çıxarış almaq üçün ilkin sənədlər qəbul edilib. Verilən çıxarışlar əsasən fərdi yaşayış evləri, pay torpağı, həyətyanı torpaq sahələrini əhatə edib.

Kampaniya zamanı müraciət edən və sənədlərində çatışmazlıq olan 30-a yaxın sakinə birbaşa yerlərdə hüquqi xidmət göstərilib.

Hesabata görə, bu il 15 “Kütləvi çıxarış” kampaniyası keçirilib. Bunlardan 2-si paytaxtda, 13-ü regionlarda baş tutub.