Tibb işçilərinin sertifikasiyası: proses necə gedir?
Azərbaycan Dövlət Həkimləri Təkmilləşdirmə İnstitutunun səhiyyə mütəxəssislərinin sertifikasiyası şöbəsinin işinə dair hesabat yayılıb. Qeyd olunur ki, 2011-ci ildən ali tibb mütəxəssislərinin, 2012-ci ildən orta tibb işçilərinin sertifikasiya prosesi aparılır.
Sertifikasiyadan keçməyən işçilərin praktik tibb və ya əczaçılıq fəaliyyətinə buraxılmasına yol verilmir.
2016-cı ildə tibb işçilərinin resertifikasiya mərhələsi başlayıb.
Hazırda Tibb Kadrlarının Vahid Registrində 42573 ali (onlardan 1668 nəfəri özəl klinikalarda çalışır), 75458 orta tibb işçisi (onlardan 1428 nəfəri özəl klinikalarda çalışır) qeydiyyatdan keçib.
1 avqust 2017-ci ilə olan məlumata görə, 26339 ali və 40869 orta tibb işçisinə sertifikasiya şəhadətnaməsi verilib.
