Nazirlər Kabinetinin yeni strukturu
Prezident İlham Əliyev Nazirlər Kabineti Aparatının strukturunu təsdiqləyib. Novator.az-ın məlumatına görə, avqustun 23-də imzalanan fərmanla Nazirlər Kabineti Aparatının işçilərinin say həddi (İşlər İdarəsi istisna olmaqla) 200 ştat vahidi müəyyən edilib.
İşlər İdarəsi işçilərinin say həddini təsdiqləmək Nazirlər Kabinetinə həvalə olunub. Nazirlər Kabineti zərurət olduqda Aparatın strukturuna daxil olan şöbələrdə sektorlar (İşlər İdarəsində şöbələr və sektorlar) yarada bilər.
Fərmana əsasən, Nazirlər Kabineti öz iş qaydasının layihəsini bir ay müddətində hazırlayıb prezidentə təqdim etməlidir.
Nazirlər Kabinetinin Aparatı haqqında əsasnamənin layihəsini hazırlamağa, Aparatın struktur bölmələrinin ştat cədvəlini təsdiqləməyə də bir o qədər vaxt qoyulub.
Nazirlər Kabinetinin Aparatının strukturu belədir:
Baş nazirin xidməti
Baş nazirin birinci müavininin xidməti
Baş nazirin müavinlərinin xidmətləri
Nazirlər Kabineti Aparatının rəhbərinin xidməti
Nazirlər Kabineti Aparatı rəhbərinin müavininin xidməti
Hüquq şöbəsi
Maliyyə və iqtisadiyyat məsələləri şöbəsi
Humanitar və sosial məsələləri şöbəsi
Beynəlxalq əlaqələr şöbəsi
Sənaye və energetika məsələləri şöbəsi
Neft və kimya məsələləri şöbəsi
Kənd təsərrüfatı məsələləri şöbəsi
Ekologiya məsələləri şöbəsi
Təhlükəsizlik və müdafiə məsələləri şöbəsi
Kommunikasiya, tikinti və kommunal təsərrüfatı məsələləri şöbəsi
Regionların inkişafı məsələləri şöbəsi
Beynəlxalq maliyyə təşkilatları ilə iş şöbəsi
Qaçqınların və məcburi köçkünlərin məsələləri şöbəsi
Sənədlərlə və vətəndaşların müraciətləri ilə iş şöbəsi
Mətbuat xidməti
İşlər İdarəsi.
