UEFA Çempionlar Liqasının dördüncü seçmə mərhələsi bitib. Azərbaycan təmsilçisi “Qarabağ” avqustun 23-ü Danimarka paytaxtında “Kopenhagen”ə 1:2 hesabı ilə uduzub. Bakıda keçirilmiş ilk matçda rəqibini 1:0 hesabı ilə yenmiş “Qarabağ” səfər qolu hesabına qrup mərhələsinə adlayıb. İndiyədək heç bir Azərbaycan klubu belə uğur qazanmamışdı.

“Qarabağ”ın qrup mərhələsinə yüksəlməsi ölkədə böyük sevinclə qarşılanıb. Bakıda əllərində Azərbaycanın və “Qarabağ”ın bayraqlarını tutan sakinlər gecə boyunca bu böyük uğuru qeyd ediblər.

Qrup mərhələsinin püşkü bu gün Monakoda atılacaq. Novator.az-ın məlumatına görə, “Qarabağ” dördüncü səbətdə yer alır və püşk ona yuxarı səbətlərdən üç komandanı rəqib edəcək.

Birinci səbətdə “Real”, “Bavariya”, “Çelsi”, “Yuventus”, “Benfika”, “Monako”, “Spartak” (Moskva), “Şaxtyor” klubları yer alır.

İkinci səbətə “Barselona”, “Atletiko”, “Sevilya”, PSJ, “Borussiya” (Dortmund), “Mançester Siti”, “Mançester Yunayted”, “Portu” komandaları salınıb.

Üçüncü səbətdə “Anderlext”, “Bazel”, “Tottenhem”, “Liverpul”, “Roma”, “Napoli”, “Beşiktaş”, “Olimpiakos” klubları var.