2017-2018 mövsümündə UEFA Çempionlar Liqasının qrup mərhələsində mübarizə aparan 32 komandanın 12-si indiyədək turnirin qalibi olub. 2 komanda isə nəhənglərin yarışında debüt edəcək.

Novator.az bildirir ki, İspaniyanın “Real” klubu 1991-1992 mövsümünədək Çempionlar kuboku adlanmış turnirdə 12 dəfə zirvəyə qalxıb.

“Bavariya” (Almaniya), “Barselona” (İspaniya), “Liverpul” (İngiltərə) 5 dəfə, “Mançester Yunayted” (İngiltərə) 3 dəfə, “Benfika” (Portuqaliya), “Portu” (Portuqaliya), “Yuventus” (İtaliya) 2 dəfə, “Borussiya” (Dortmund, Almaniya), “Seltik” (Şotlandiya), “Feyenoord” (Hollandiya və “Çelsi” (İngiltərə) 1 dəfə zəfər çalıblar.

Azərbaycanın “Qarabağ” komandası ilk dəfə Çempionlar Liqasının qrup mərhələsində təmsil olunur (indiyədək heç bir Azərbaycan klubu belə uğur qazanmamışdı).

Almaniyanın “Leypsiq” klubu isə ümumiyyətlə Avropa kuboklarının debütantıdır.