Bloqçu Mehman Hüseynov barəsində çıxarılan həbs qərarından verilmiş şikayətə Ali Məhkəmədə nə vaxt baxılacağı məlum olub.
Novator.az bloqçunun vəkili Elçin Sadıqova istinadla xəbər verir ki, kassasiya şikayətinə sentyabrın 29-da hakim Əli Seyfəliyevin sədrliyi ilə baxılacaq.
Mehman Hüseynov bu il martın 3-də Suraxanı Rayon Məhkəməsinin qərarına əsasən 2 il müddətinə azadlıqdan məhrum edilib. O, polisə ağır cinayət ittihamı ilə böhtan atmaqda təqsirli bilinib.
Bakı Apellyasiya Məhkəməsi hökmü qüvvədə saxladıqdan sonra mayın 15-də Ali Məhkəməyə şikayət verilib.
