İtkin düşmüş sonuncu neftçi də tapıldı
Dövlət Dəniz Administrasiyasında Fövqəladə Hallar Nazirliyi, Müdafiə Nazirliyi, Dövlət Sərhəd Xidməti, Dövlət Neft Şirkəti və Azərbaycan Xəzər Dəniz Gəmiçiliyi ilə birgə yaradılmış qərargah avqustun 22-də açıqlama yayıb.
Bildirilir ki, avqustun 18-də Xəzər dənizinin Daş Zirə adasında meyiti tapılmış şəxsin “Azneft” İstehsalat Birliyinin Nəriman Nərimanov adına Neft-Qaz Çıxarma İdarəsinin əmtəə operatoru vəzifəsində çalışmış 1979-cu il təvəllüdlü Əsədov Samir Atabala oğlu olduğu müəyyən edilib.
Ötən il dekabrın 15-də güclü külək Nəriman Nərimanov adına Neft-Qaz Çıxarma İdarəsinin Xəzər dənizindəki bir estakadasını dənizə uçurmuş, 10 neftçi batmışdı. Avqustun 18-dək 9 şəxsin meyiti tapılmışdı.
İkin düşən neftçilərin hamısının meyiti tapılaraq ailəsinə təhvil verildiyi üçün axtarış-xilasetmə əməliyyatlarına yekun vurulub.
