Qəzalar ən çox harada can alır?
Qərargahı Ukraynada yerləşən “Corestone” analiz şirkəti yol qəzalarında həlak olanların orta sayını əks etdirən cədvəl hazırlayıb. Novator.az-ın məlumatına görə, hesabatda bildirilir ki, 2015-ci ildə Gürcüstanda hər milyon nəfərin 163,6-sı yol qəzasında həlak olub. Bu, ən mənfi göstəricidir.
İkinci yerdə Rusiya gəlir: 2015-ci ildə hər milyon sakindən 160,4-ü avtomobil qəzasında həyatını itirib.
Hesabata əsasən, 2015-ci ildə Ermənistanın hər milyon sakinindən 114,7-si yol qəzasında ölüb.
İlk onluqda Hindistan (2015-ci ildə hər milyon sakindən 111,5-i yol qəzasına qurban gedib), ABŞ (109,5), Bolqarıstan (98,6), Türkiyə (95,7), Latviya (94,5), Albaniya (93,5), Ukrayna (93) da yer alıb.
Qəzalarda insan itkilərinin az olduğu ölkələrin siyahısına Norveç başçılıq edir: 2015-ci ildə hər milyon nəfərdən 22,5-i yol qəzasında həlak olub. Norveçin ardınca bu ölkələr gəlir: Malta (2015-ci ildə hər milyon sakindən 25,5-i yol qəzasında ölüb), İsveç (26,4), Böyük Britaniya (27,7), İsveçrə (30,5), İrlandiya (35,8), İspaniya (36,4), Niderland (36,7), Yaponiya (38,3), İsrail (38,4).
