İnternet işləri üçün ayrıca məhkəmə açılıb
Çində ilk dəfə olaraq internet məhkəməsi açılıb. Novator.az-ın məlumatına görə, məhkəmə Çjeszyan əyalətinin Xançjou şəhərində fəaliyyət göstərəcək.
İnternet işləri üzrə iddialara baxacaq ayrıca məhkəmənin yaradılmasına dövlətə rəhbərliyi həyata keçirən Çin Kommunist Partiyası Mərkəzi Komitəsi qərar verib.
İnternet məhkəməsində əsasən onlayn ticarətdə baş verən dələduzluq hallarına, onlayn müqavilələrlə bağlı məsələlərə və internetdə müəllif hüquqlarının pozulmasına dair işlərə baxılması nəzərdə tutulur.
İddia ərizəsinin verilməsindən başlayaraq bütün prosedurlar məhkəmənin saytı vasitəsilə onlayn qaydada aparılacaq. Məhkəmə dinləmələri və hökmün elan olunması da onlayn üsulla – video translyasiya aprılmaqla həyata keçiriləcək.
Səidə Hüseynova
