Ekoloji reydlərdə nələr üzə çıxıb?
- 17 Avqust 2017
- comments
- Novator.az
- Posted in Xəbər
Daxili İşlər Nazirliyinin mətbuat xidməti Baş İctimai Təhlükəsizlik İdarəsinin Ekologiya və Təbii Sərvətlər Nazirliyi birgə keçirdiyi tədbirlərin hesabatını yayıb. Rəsmi məlumata görə, bu ilin iyul və avqust ayları ərzində keçirilən tədbirlər zamanı paytaxtın Yasamal, Xətai, Səbail, Binəqədi, Sabunçu, Qaradağ, Xəzər rayonları, Abşeron rayonu və Sumqayıt şəhəri ərazilərində İnzibati Xətalar Məcəlləsinin tələblərinin pozulması halları üzrə 30 protokol tərtib edilib, 10-dan artıq istirahət mərkəzinin rəhbərləri, iki bələdiyyə sədri və fiziki şəxslər inzibati məsuliyyətə cəlb ediliblər. Onlara tətbiq olunan cərimələrin məbləği 37150 manatdır.
Ümumilikdə isə bu ilin əvvəlindən məişət tullantılarını tutumlardan (urnalardan) kənar yerlərə atdıqlarına görə 488 nəfər inzibati məsuliyyətə cəlb edilib, həmin şəxslərə ümumilikdə 79610 manatdan artıq cərimələr tətbiq olunub.