2015-ci ildən bəri 603 müharibə əlili və şəhid ailəsi mənzil alıb
Əmək və Əhalinin Sosial Müdafiəsi Nazirliyi Sabirabad və İmişli rayonlarında tikdirdiyi 5 yeni fərdi yaşayış evini Qarabağ müharibəsi əlilləri və şəhid ailələrinə təqdim edib. Evlərdən 3-ü Sabirabad rayonunda Qarabağ müharibəsi əlillərinə, 2-si İmişli rayonunda şəhid ailələrinə verilib.
Tədbirlərdə bildirilib ki, son iki ildə və cari ilin ötən dövründə 603 nəfər Qarabağ müharibəsi əlili və şəhid ailəsi Əmək və Əhalinin Sosial Müdafiəsi Nazirliyindən yeni mənzillər alıb. Bu il Şəmkir, Tərtər, Salyan, Astara, Füzuli, Zaqatala, Qazax, Sabirabad, İmişli və digər rayonlarda yeni fərdi yaşayış evləri təqdim olunub.
