Qəza və xəta statistikası
2017-ci ilin yanvar-iyun aylarında ölkənin avtomobil yollarında 848 və ya 2016-cı ilin müvafiq dövrü ilə müqayisədə 6,3 faiz az yol-nəqliyyat hadisəsi baş verib, bu hadisələr nəticəsində zərər çəkən şəxslərin sayı 10 faiz azalaraq 1147 nəfər olub. Novator.az-ın məlumatına görə, Dövlət Statistika Komitəsi belə hesabat yayıb.
Hesabata əsasən, qəzalarda 315 nəfər həlak olub, 832 nəfər yaralanıb. Həlak olanların 78,7 faizi, yaralananların isə 73,9 faizi kişilərdir.
2017-ci ilin yanvar-iyun aylarında yol hərəkəti qaydaları əleyhinə aşkarlanmış inzibati xətaların sayı əvvəlki ilin müvafiq dövrü ilə müqayisədə 12,1 faiz artaraq 1 milyon 555,4 min olub. Qaydaların pozulmasına görə 30,3 milyon manat məbləğində cərimələr tətbiq edilib.
