Yeni dərs mövsümünün başlanmasına bir ay qalıb. Bu o deməkdir ki, artıq valideynlər övladlarının məktəbə hazırlığı ilə maraqlanırlar. Yəni məktəb alış-verişlərinə nələr alınacaq və bu minimum nə qədər vəsait tələb edəcək.

Görəsən valideynə bir övladını məktəbə göndərmək üçün nə qədər pul lazımdır?

On ildir ki, vahid məktəbli forması tətbiq edildiyindən geyim üçün valideynlər Bakı Tikiş Evinin mağazalarına üz tuturlar. Bir məktəbli formasının qiyməti 40-50 manatdır.

Məktəb çantalarının da qiyməti fərqlidir. “Sədərək” Ticarət Mərkəzində istifadəyə yararlı və normal keyfiyyətdə olan çantalar 20-40 manat arasındadır.

Məktəb ləvazimatlarının qiyməti isə belədir:

12 vərəqli dəftər: 20 qəpik (qiymət keyfiyyətinə görə dəyişir). Mərkəzdə 20-35 qəpikdir.

40 vərəqli dəftər: 50 qəpik.

100 vərəqli dəftərlərin qiyməti 80 qəpik-1 manat arasındadır.

Qələm: 1 manatadək.

Rəngli karandaş: 3-7 manat.

Xətkeş: 40 qəpik-2 manat

Pozan: 40 qəpik-1 manat.

Flomaster: 2-5 manat.

Qələmqabı: 2-5 manat.

Su qabı: 3-14 manatadək.

1-ci sinif üçün bir neçə iş dəftəri lazımdır ki, onlardan hər birinin ən aşağı qiyməti 4-5 manatdır.

Yuxarı sinif şagirdləri dövlətin verdiyi kitablardan başqa test kitabçaları da almalıdırlar. Belə kitabçaların ən ucuzu 3-5 manatdır.

Demək, bir ailəyə yalnız bir uşağı məktbə göndərmək üçün ən azı 150 manat lazımdır.

Mansur ƏLİPƏNAHİ,
14 yaş, Masallı