2017-ci ilin yanvar-iyun aylarında Azərbaycan sənayesində 18,6 milyard manatlıq və ya əvvəlki ilin müvafiq dövrü ilə müqayisədə 5,5 faiz az sənaye məhsulu istehsal edilib. Novator.az-ın məlumatına görə, Dövlət Statistika Komitəsi bildirir ki, sənayenin qeyri-neft sektorunda məhsul istehsalı 4,4 faiz artıb, neft sektorunda isə 7,2 faiz azalıb.

Sənaye məhsulunun 70,1 faizi mədən sektorunda, 24,6 faizi emal sektorunda, 4,5 faizi elektrik enerjisi, qaz və buxar istehsalı, bölüşdürülməsi və təchizatı sektorunda, 0,8 faizi isə su təchizatı, tullantıların təmizlənməsi və emalı sektorunda istehsal olunub.

6 ayda 2016-cı ilin eyni dövrünə nisbətən sənaye məhsullarının istehsalı 49,7 faiz, o cümlədən mədən sənayesi üzrə 51,9 faiz, emal sənayesi üzrə 32,8 faiz, elektrik enerjisi, qaz və buxar istehsalı, bölüşdürülməsi və təchizatı üzrə 59,6 faiz, su təchizatı; tullantıların təmizlənməsi və emalı sahəsi üzrə 5 faiz bahalaşıb.