6 ayda 13,9 faiz inflyasiya gedib
Dövlət Statistika Komitəsi inflyasiya göstəricilərini açıqlayıb. Novator.az bildirir ki, rəsmi hesabata görə, 2017-ci ilin yanvar-iyun aylarında istehlak məhsullarının və xidmətlərin qiymətləri 2016-cı ilin müvafiq dövrünə nisbətən 13,9 faiz artıb.
Ərzaq məhsullarında 18,1 faiz, qeyri-ərzaq məhsullarında 12,4 faiz, əhaliyə göstərilən ödənişli xidmətlərdə 9,4 faiz bahalaşma olduğu bildirilir.
İyun ayında may ayına nisbətən istehlak məhsullarının və xidmətlərin qiymətləri 1 faiz, o cümlədən ərzaq məhsullarının qiymətləri 2,5 faiz enib, qeyri-ərzaq məhsulları və əhaliyə göstərilən ödənişli xidmətlərin qiymətləri isə 0,1 faiz qalxıb.
