Bir general fəxri ehtiyata buraxıldı, digəri işdən getdi
Prezident İlham Əliyev general-mayor Akif Əli oğlu Şəfiyevi hərbi geyim formasını daşımaq hüququ verilməklə həqiqi hərbi xidmətdən ehtiyata buraxıb. Digər sərəncamla Akif Şəfiyev 3-cü dərəcəli “Vətənə xidmətə görə” ordeni ilə təltif edilib. Təltif generalın dövlət sərhədinin mühafizəsi sahəsində uzunmüddətli səmərəli fəaliyyəti ilə əsaslandırılıb.
İlham Əliyevin başqa bir sərəncamı ilə general-mayor Novruzəli Hüseyn oğlu Orucov Səfərbərlik və Hərbi Xidmətə Çağırış üzrə Dövlət Xidməti rəisinin həqiqi hərbi xidmətə çağırış üzrə müavini – Həqiqi Hərbi Xidmətə Çağırış Baş İdarəsinin rəisi vəzifəsindən çıxarılıb.
Ötən həftə Novruzəli Orucovun oğlu Rüstəm Orucov xuliqanlıq ittihamı ilə həbs edilib. Rüstəm Orucov 2014-2016-cı illərdə də həbsdə olub.
