Vergi orqanlarının 6 aylıq hesabatı
2017-ci ilin yanvar-iyun ayları ərzində vergi ödəyiciləri dövlət büdcəsinə 3 milyard 352 milyon 375,58 min manat məbləğində vəsait ödəyib. Vergilər Nazirliyi bildirir ki, bununla müəyyənləşdirilən proqnoz tapşırığına 102,5 faiz əməl olunub.
Novator.az-ın məlumatına görə, bu il Vergilər Nazirliyinin xətti ilə dövlət büdcəsinə 7 milyard 510 milyon manat daxilolma proqnozlaşdırılırdı. Ancaq milli Məclisin 30 iyun iclasında 2017-ci ilin dövlət büdcəsinə dəyişikliklər edilib. Dövlət büdcəsinin xərcləri 1 milyard 41 milyon manat artırılaraq 17 milyard 941 milyon manata çatdırılıb.
Yenilənmiş dövlət büdcəsinin gəlirləri 16 milyard 766 milyon manat proqnozlaşdırılır. Bunun 2017-ci ilin təsdiq olunmuş proqnozu ilə müqayisədə 511 milyon manat çox olduğu bildirilir. Vergilər Nazirliyinin illik öhdəliyi 135 milyon manat artırılıb.
