Hamilə qadının içdiyi suyun uşağa nə təsiri var?
Hamiləlik dövründə şirin içki uşağın piylənməsinə səbəb ola bilər. Novator.az-ın məlumatına görə, tibbi araşdırmada belə nəticəyə gəlinib. Araşdırmanın nəticələri ABŞ-ın “Pediatrics” jurnalında dərc olunub.
Tədqiqata 1078 ana və onların uşaqları cəlb olunub. Analar sorğu blankında hamiləlik zamanı şirin qazlı su, meyvə şirəsi və adi suyu hansı həcmdə içdiklərini qeyd ediblər.
Məlum olub ki, məktəb yaşına çatan uşaqların 25%-i piylənmə və artıq çəkidən əziyyət çəkib. Onların əksəriyyətinin anası hamiləlik dövründə gündə iki stəkan qazlı şirin su qəbul edib.
Mütəxəssislər bildirirlər ki, dölün maddələr mübadiləsi ananın qidasından da asılıdır. Dölün inkişafı zamanı həddən artıq şirin su qəbulu uşaqlarda piylənməyə meyli artıra bilər. Ona görə də araşdırma müəllifləri hamilə qadınlara qazlı şirin içkini adi su ilə əvəzləməyi tövsiyə edir.
Səidə Hüseynova
