Yaponiyalılar bir ildə 300 min nəfər azalıb
Bir ildə Yaponiya əhalisi 300 min nəfər azalıb. AZƏRTAC-ın Tokiodakı xüsusi müxbiri hökumətin rəsmi məlumatına əsasən belə yazır. Rəsmi açıqlamaya görə, 2017-ci il yanvarın 1-nə ölkə əhalisinin sayı 125 milyon 580 min nəfər olub. Bu, əvvəlki ilin göstəricisi ilə müqayisədə 300 min nəfər azalma deməkdir.
Azalma sayı statistikanın aparılmağa başladığı 1968-ci ildən bəri ən yuxarı göstəricidir. Bildirilir ki, ölkədəki 47 prefekturadan 41-də əhalinin azalması qeydə alınıb. Tokioda və beş digər prefekturada isə əhalinin sayı artıb.
Yaponiyada əhalinin sayı 2009-cu ildən bəri azalır.
