Sorğu Putini öndə göstərir
Rusiyanın “Levada” mərkəzi ölkə əhalisinin prezident postunda kimi görmək istədiyinə yönəlmiş sorğu keçirib. Novator.az-ın məlumatına görə, sorğuya qatılanların 66%-i indiki dövlət başçısı Vladimir Putinin prezident postunda qalmasına tərəfdar çıxıb.
Sorğu iştirakçılarının 18%-i dövlət başçısı postunda digər şəxsin olmasını arzu edib.
Respondentlərin 16%-i seçim etməkdə çətinlik çəkdiyini vurğulayıb.
Rusiyada növbəti prezident seçkisi 2018-cilin martın 18-də keçiriləcək.
Vladimir Putin 1996-cı ildən Rusiyanın ali hakimiyyət orqanlarında işləyir. 1999-cu il avqustun 16-da baş nazir təyin olunub. 1999-cu il dekabrın 31-dən həmçinin prezident vəzifəsini icra edib. 2000-ci il martın 26-da prezident seçilib. 2004-cü il seçkisində bu postu əlində saxlayıb.
2008-ci ilin may ayından Rusiyanın baş naziri olub. 2012-ci il martın 4-də yenidən prezident seçilib.
Səidə Hüseynova
