Rusiyada neçə il yaşayırlar?
Rusiya Statistika Xidməti orta ömür uzunluğu ilə bağlı hesabat yayıb. Novator.az-ın məlumatına görə, hesabatda bildirilir ki, son 5 ildə Rusiyada orta ömür 71,87 yaşa qədər uzanıb. 2012-ci ildə ölkədə orta ömür həddi 70,2 yaş olub.
Hesabata əsəsən, orta ömür uzunluğu sarıdan lider bölgələr Şimali Qafqaz və paytaxt Moskvadır. İnquşetiyada, Dağıstanda və Moskvada əhalinin orta ömrü 77 yaşdan çoxdur. Bu regionlarda qadınlar üçün orta ömür həddi 77, kişilər üçün 66,5 yaşdır.
Son 5 ilin göstəricilərinə görə, Rusiyada ən qısa ömürlü əhali Tuva Respublikası (64,2 il), Çukot Muxtar Mahalı (64,4) və Yəhudi Muxtar Vilayətində (65,8) yaşayır.
Səidə Hüseynova
