Yaşlı əhalinin 0,6 faizi narkotikə qurşanıb
2015-ci ildə 250 milyon adam ən azı bir dəfə narkotik qəbul edib. Novator.az-ın məlumatına görə, BMT-nin Narkotiklər və Cinayətkarlıq üzrə İdarəsinin yeni hesabatında belə deyilir.
Məruzədə qeyd olunur ki, 2015-ci ildə yaşlı əhalinin təxminən 5%-i ən azı bir dəfə narkotik qəbul edib, onların təxminən 29,5 milyonu (0,6%) narkotikə aludədir.
Tədqiqatın nəticələrinə görə, dünyada 12 milyon adam narkotiki iynə ilə qəbul edir. Onların hər 8 nəfərindən biri (1,6 milyon nəfər) HİV virusu, 6,1 milyonu isə Hepatit C xəstələridir. Hər il 190 min adam narkotik istifadəsinə görə vaxtsız ölür.
Sənəddə narkotik alış-verişinin yeni üsullarının inkişaf etdiyi vurğulanır. Qeyd olunur ki, cinayətkarlar qara şəbəkə kimi ən çox yeni texnologiyalardan istifadə edirlər. Narkotik daşınmasının yeni üsulları narkotiklərin qanunsuz dövriyyəsi ilə mübarizəyə digər sektorların, məsələn, poçt xidmətlərinin də cəlb olunmasını gündəmə gətirir.
Məruzə müəlliflərini ən narahat edən məqam bir sıra terror təşkilatlarının narkotik satışından ələ olunan gəlirdən asılı olmasıdır.
Səidə Hüseynova
