Fransada parlamentin aşağı palatasına – Milli Məclisə seçki başa çatıb. Novator.az-ın məlumatına görə, iyunun 18-də keçirilmiş ikinci turdan sonra prezident Emmanuel Makronun başçılıq etdiyi “İrəli, respublika” hərəkatı 577 nəfərlik Milli Məclisə 308 mandat qazanıb. Prezident partiyasının müttəfiqi olan Demokratik Hərəkat Partiyası 42 mandat əldə edib. Beləliklə, parlamentdə mütləq çoxluq prezident partiyasının əlinə keçib.

Müxalif Respublikaçılar Partiyası 113, Sosialist Partiyası 29, Demokratlar və Müstəqillər İttifaqı 18, Fəthedilməz Fransa Partiyası 17, Kommunist Partiyası 10, Milli Cəbhə 8 mandat götürüb.

39 yaşlı Emmanuel Makron bu il mayın 7-də prezident seçilib. O, əvvəllər Sosialist Partiyasının üzvü olub, 2014-2016-cı illərdə iqtisadiyyat, sənaye və rəqəmli texnologiyalar naziri postunu tutub. 2016-cı ildə “İrəli, respublika” hərəkatını yaradıb.