Miqrasiya hesabatı
Dövlət Miqrasiya Xidməti aylıq hesabat yayıb. Rəsmi məlumatda qeyd olunur ki, 2017-ci ilin may ayı ərzində 1856 əcnəbinin Azərbaycanda olma, habelə müvəqqəti və daimi yaşama qaydalarını pozduğu müəyyən edilib. 27 nəfərin Azərbaycan ərazisində müvəqqəti və ya daimi yaşamaq üçün əsas verən sənədləri itirildiyindən yenisi ilə əvəz olunub, 220 nəfərin ölkə ərazisində yaşamaları leqallaşdırılıb.
887 nəfər ölkə ərazisindən çıxarılmamaqla cərimələnib, 458 nəfər cərimələnərək ölkə hüdudlarından çıxarılıb, 264 nəfərin ölkə ərazisinə girişi məhdudlaşdırılıb.
Ay ərzində Dövlət Miqrasiya Xidmətinə əcnəbilər və vətəndaşlığı olmayan şəxslərdən ölkədə müvəqqəti olma müddətlərinin uzadılması, müvəqqəti və daimi yaşamaq üçün icazələrin verilməsi, vətəndaşlığa qəbul, xitam, bərpa, eləcə də vətəndaşlıq mənsubiyyətinin və qaçqın statusunun müəyyənləşdirilməsi, həmçinin əmək fəaliyyətinin həyata keçirilməsi üçün iş icazələrinin verilməsi və mövcud iş icazələrinin müddətlərinin uzadılması ilə bağlı 7667 müraciət daxil olub.
Olduğu yer üzrə qeydiyyatla bağlı 56600 əcnəbinin müraciəti qeydə alınıb.
