Dövlət Neft Şirkəti (SOCAR) 2017-ci ilin may ayında dövlət büdcəsinə 139 milyon 586 min manat vəsait ödəyib. Rəsmi açıqlamaya görə, bu göstərici 2016-cı ilin may ayı ilə müqayisədə 21 milyon 780 min manat və ya 118,5 faiz çoxdur.

Yanvar-may aylarında büdcəyə 669 milyon 888 min manat vəsait ödəndiyi, bunun ötən ilin analoji dövrü ilə müqayisədə 107 milyon 107 min manat və ya 119 faiz çox olduğu bildirilir.

Hesabata əsasən, 2017-ci ilin may ayında Dövlət Sosial Müdafiə Fonduna 12 milyon 945 min manat vəsait köçürülüb. Bu rəqəm ötən ilin müvafiq dövrünün göstəricisini 694 min manat və ya 105,7 faiz üstələyib.

5 ayda Dövlət Sosial Müdafiə Fonduna ödəniş 62 milyon 460 min manat təşkil edib, bu da 2016-cı ilin yanvar-may ayları ilə müqayisədə 5 milyon 101 min manat və ya 108,9 faiz artıqdır.