Rusiyalılar içkini azaldıb
Son 5 ildə Rusiyada alkoqollu içkilərin satışı 40% azalıb. Novator.az-ın məlumatına görə, istehlakçı hüquqlarının müdafiəsinə nəzarət edən federal qurum – “Rospotrebnadzor” iyunun 7-də belə hesabat yayıb.
Rusiya Statistika Xidməti isə bildirir ki, 2011-ci ildən bəri adambaşına spirtli içki qəbulunun miqdarı ildə 10,9 litrdən 6,6 litrə düşüb.
“Rospotrebnadzor”un hesabatına əsasən, ölkədə ən çox spirtli içki Maqadan və Saxalin vilayətlərində, Moskvada, Komi Respublikasında qəbul olunur.
Rusiyada spirtli içkinin ən az satıldığı bölgələr isə Çeçenistan, İnquşetiya, Kabarda-Balkar və Şimali Osetiya respublikalarıdır.
“Rospotrebnadzor” hesab edir ki, alkoqol satışının azalması bir neçə faktorla, o cümlədən qadağa tədbirləri və dövlətin apardığı aksiz siyasəti ilə bağlıdır. Ən təsirli amillərdən birinin alkoqolun satışına vaxt və yer məhdudiyyətlərinin tətbiqi olduğu vurğulanır.
Səidə Hüseynova
