Rusiyanın “Levada” sorğu mərkəzi əhalinin xarici dövlətlərlə münasibətlərə mövqeyini öyrənib. Novator.az-ın məlumatına görə, sorğu göstərib ki, əhalinin 9%-i Azərbaycanı Rusiyaya dost sayır.

Özbəkistan və Tacikistanın da göstəricisi 9% olub.

Respondentlər Rusiyanın Belarusla (46%), Çinlə (39%), Qazaxıstanla (34%) ən yaxın dostluq  münasibətində olduğunu düşünür.

Dost ölkələr sırasında Suriyanın (15%), Hindistanın (14%), Ermənistanın (12%), Kubanın (11%) da adı var.

Sorğuda iştirak edənlər Rusiyanın əsas düşmənlərinin ABŞ (50%), Ukrayna (50%) və Almaniya (24%) olduğu qənaətindədir.

Respondentlərin 24%-i Latviya və Litvanın, 21%-i Polşanın, 16%-i Estoniyanın, 15%-i Böyük Britaniyanın, 9%-i Gürcüstanın, 8%-i Fransanın Rusiyaya qarşı düşmən münasibətdə olduğunu  düşünür.

Rusiya əhalisinin hər 5 nəfərindən biri Moskvanın Vaşinqtonla münasibətlərinin yaxşı tərəfə dəyişdiyi qənaətindədir. Respondentlərin 17%-i Rusiya və ABŞ münasibətlərinin pisə doğru getdiyini, 54%-i isə hələlik heç bir dəyişiklik sezmədiklərini deyib.

Səidə Hüseynova